Nar Se Narayan Ban Jayen, Prabhu Aisa Gyan Hamen Dena ॥
Dukhiyon Ke Duhkh Ham Door Karen, Shram Se Kashton Se Nahin Daren ।
Ur Mein Sabke Prati Pyar Bharen, Jal Bankar Maruthal Mein Bikhren ।
Badhaon Se Takra Jayen, Prabhu Aisa Gyan Hamen Dena ॥
Aalas Mein Divas Na Katen Kabhi, Seva Ke Bhav Na Miten Kabhi ।
Path Se Ye Charan Na Haten Kabhi, Janhit Ke Karya Na Chhuten Kabhi ।
Daivi Kshamtayen Vikasayen, Prabhu Aisa Gyan Hamen Dena ॥
Yah Vishwa Hamara Hi Ghar Ho, Ur Mein Sneh Ka Nirjhar Ho ।
Manav Ke Beech Na Antar Ho, Bikhra Samta Ka Mrdu Swar Ho ।
Purab Ki Lali Ban Chhayen, Prabhu Aisa Gyan Hamen Dena ॥