Aaj to Guruwar Hai, Sadguruji Ka War Hai ।
Gurubhakti Ka Pi Lo Pyala, Pal Mein Beda Paar Hai ॥ 1 ॥
Gurucharnon Ka Dhyan Lagao, Nirmal Man Ho Jayega ।
Tan Man Dhan Guru Charan Chadhakar, Vinti Barambar Hai ॥ 2 ॥
Prabhu Ko Bhool Gaye Au Pyare ! Maya Mein Liptaye Ho ।
Poorv Puny Se Nar Tan Paya, Mile Na Barambar Hai ॥ 3 ॥
Gurubhakti Se Prabhu Milenge, Bin Guru Gota Khayega ।
Bhavsagar Mein Doobi Naiya, Sadguru Taranhar Hain ॥ 4 ॥
Guru Hamare Gyan Ke Data, Bhakton Ka Kalyan Karo ।
Nirmohi Balihar Hai, Arji Barambar Hai ॥ 5 ॥
* Please share any of your suggestions or ideas with us.
** Please write your any type of feedback or suggestion(s) on our
contact us page. Whatever you think, (+) or (-) doesn't metter!