Hey Maan... Hey Maan... Hey Maan...
Taras Rahi Hain Aankhen Meri, Maan Dikha De Didar,
Parvat Ki Rani, Trikuta Bhavani, Sun Le Meri Pukar,
Maiya... Apani Chaukhat Pe Bula Le Ek Baar।
Duniya Ke Jhoothe Rishton Ne, Mujhako Bahut Rulaya Hai,
Haar Ke Apani Kismat Se, Sar Tere Dar Pe Jhukaya Hai.
Baan Ganga Ka Shital Jal, Tan-Man Pavan Kar Jae,
Tera Ik Darshan Mil Jae, to Soi Kismat Jag Jae.
Meri Doob Rahi Hai Naiya, Maan Tham Le Patvar,
Maiya... Apani Chaukhat Pe Bula Le Ek Baar।
Andhiyari Us Gupha Ke Andar, Jyot Teri Jalati Hai,
Tere Hi Dam Se O Maiya, Ye Duniya Saari Chalati Hai.
Main Balak Hoon Nadan Bada, Too Mamata Ki Moorat Hai,
Mujhe Aur Kisi Ki Chah Nahin, Bas Teri Hi Zaroorat Hai।
Meri Sooni Bagiya Mein Bhi, Bhar De Khushiyan Apar,
Maiya... Apani Chaukhat Pe Bula Le Ek Baar।
Lal Chunariya, Lal Choodiyan, Bhavan Tera Sajata Hai,
Bhakton Ki Toli Mein Maiya, Jayakara Goonjata Hai.
Panv Mein Paden Bhale Hi Chhale, Chadhai Chadhata Aoonga,
Too Ek Baar Aavaz to De, Main Daud Ke Tere Paas Aoonga।
Rakh Le Sevadar Bana Ke, Kar De Beda Paar,
Maiya... Apani Chaukhat Pe Bula Le Ek Baar।
Jay Mata Di... Jay Mata Di...
Kahate Jaen, Badhate Jaen.
Jay Mata Di... Jay Mata Di...
Maiya Apani Chaukhat Pe Bula Le Ek Baar।