Leke Gaura Ji Ko Saath Bhole-bhale Bhole Nath,
Kashi Nagari Se Aye Hain Shiv Shankar ।
Nandi Pe Savaar Hoke Dambru Bajaate,
Chale Aa Rahe Hain Bhole Hari Gun Gaate,
Pahene Naramundo Ki Mala Odhe Tan Par Mrig Chhala,
Kashi Nagari Se Aye Hain Shiv Shankar,
॥ Leke Gaura Ji Ko Saath… ॥
Hath Mein Trishul Liye Bhasami Ramay,
Jholi Gale Mein Daale Gokul Mein Aye,
Pahuche Nand Baaba Ke Dwaar Alakh Jagaen Barambar,
Kashi Nagari Se Aye Hain Shiv Shankar,
॥ Leke Gaura Ji Ko Saath… ॥
Kahan Hai Yashoda Tera Krishn Kanhaiya,
Darash Karade Raani Loo Main Balaiya,
Sunakar Narayan Avatar Aaya Hoo Main Tere Dwaar,
Daras Karade Ho Maiya Main Aaya Tere Dwaar,
॥ Leke Gaura Jee Ko Saath… ॥
Dekhake Yashoda Boli Jao-baba Jao,
Dwaar Hamare Tum Na Dambru Bajao,
Dar Jaavega Mera Laal Jo Dekhega Sarp Maal,
Jao Baba Ji Jao Kisi Aur Dwaar Par,
॥ Leke Gaura Jee Ko Saath… ॥
Hans Ke Vo Jogi Bola Suno Maharaani,
Darash Karaade Mujhe Hogi Meherbaani,
Daras Karade Ek Baar Dekhu Kaisa Hai Sukumar,
Tera Lala Hari Ka Kahalata Avataar,
॥ Leke Gaura Jee Ko Saath… ॥
Soya Hai Kanhaiya Mera Main Aa Jagaoon,
Teri Baato Mein Baba Hargiz Na Aaoon,
Mera Nanha Sa Gopal Tu Koyi Jadu Dega Daal,
Main Na Laoon Mera Laal Youn Hat Na Kar,
॥ Leke Gaura Jee Ko Saath… ॥
Itni Sunke Bhola Hanse Khilkhila Ke,
Bola Yashoda Se Dambru Bajake,
Dekho Jakar Apna Laal Aane Ko Vo Hai Behal,
Daras Karade Ek Baar Dekhu Kaisa Hai Sukumar,
॥ Leke Gaura Jee Ko Saath… ॥
Itne Mein Aye Mohan Murli Bajate,
Brahma Indrani Jiska Paar Na Pate,
Yahan Gokul Mein Gvaal Ghar- Ghar Nach Raha Gopal,Gaura
Kashi Nagari Se Aye Hain Shiv Shankar,
॥ Leke Gaura Jee Ko Saath… ॥
Leke Gaura Ji Ko Saath Bhole-bhale Bhole Nath,
Kashi Nagari Se Aye Hain Shiv Shankar ।