Shiv Amritwani (शिव अमृतवाणी)

part- 1
kalpataru punyaataama, prem sudha shiv naam
hitakaarak sanjeevanee, shiv chintan aviraam
patik paavan jaise madhur, shiv rasan ke gholak
bhakti ke hansa hee chuge, motee ye anamol
jaise tanik suhaaga, sone ko chamakae
shiv sumiran se aatma, adhbhut nikharee jaaye
jaise chandan vrksh ko, daste nahin hai naag
shiv bhakto ke chole ko, kabhee lage na daagom namah shivaay, om namah shivaay!!

daya nidhi bhooteshvar, shiv hai chatur sujaan
kan kan bheetar hai, base neel kanth bhagavaan
chandr chood ke trinetr, uma pati vishvaas
sharanaagat ke ye sada, kaate sakal klesh
shiv dvaare prapanch ka, chal nahin sakata khel
aag aur paanee ka, jaise hota nahin hai mel
bhay bhanjan nataraaj hai, damaroo vaale naath
shiv ka vandhan jo kare, shiv hai unake saath

om namah shivaay, om namah shivaay!!

laakho ashvamedh ho, sou ganga snaan
inase uttam hai kahee, shiv charanon ka dhyaan
alakh niranjan naad se, upaje aatma gyaan
bhatake ko raasta mile, mushkil ho aasaan
amar gunon kee khaan hai, chit shuddhi shiv jaap
satsangatee mein baith kar, karalo pashchaataap
lingeshvar ke manan se, siddh ho jaate kaaj
namah shivaay ratata ja, shiv rakhenge laaj

om namah shivaay om namah shivaay!!

shiv charanon ko chhoone se, tan man pavan hoye
shiv ke roop anoop kee, samata kare na koee
maha bali maha dev hai, maha prabhu maha kaal
asuraanakhandan bhakt kee, peeda hare tatkaal
sharva vyaapee shiv bhola, dharm roop sukh kaaj
amar ananta bhagavanta, jag ke paalan haar
shiv karata sansaar ke, shiv srshti ke mool
rom rom shiv ramane do, shiv na jaeeo bhool

om namah shivaay, om namah shivaay!!

part – 2 & 3
shiv amrt kee paavan dhaara, dho detee har kasht hamaara
shiv ka kaaj sada sukhadaayee, shiv ke bin hai kaun sahaayee
shiv kee nisadin kee jo bhakti, denge shiv har bhay se mukti
maathe dharo shiv naam kee dhulee, toot jaayegee yam ki soolee
shiv ka saadhak duhkh na maane, shiv ko harapal sammukh jaane
saump dee jisane shiv ko dor, loote na usako paancho chor
shiv saagar mein jo jan doobe, sankat se vo hans ke joojhe
shiv hai jinake sangee saathee, unhen na vipada kabhee sataatee
shiv bhaktan ka pakade haath, shiv santan ke sada hee saath
shiv ne hai brhmaand rachaaya, teeno lok hai shiv ki maaya
jin pe shiv kee karuna hotee, vo kankad ban jaate motee
shiv sang taan prem kee jodo, shiv ke charan kabhee na chhodo
shiv mein manava man ko rang le, shiv mastak kee rekha badale
shiv har jan kee nas-nas jaane, bura bhala vo sab pahachaane
ajar amar hai shiv avinaashee, shiv poojan se kate chauraasee
yahaan vahaan shiv sarv vyaapak, shiv kee daya ke baniye yaachak
shiv ko deejo sachchee nishthaan, hone na dena shiv ko rushta
shiv hai shraddha ke hee bhookhe, bhog lage chaahe rookhe-sookhe
bhaavana shiv ko bas mein karatee, preet se hee to preet hai badhatee.
shiv kahate hai man se jaago, prem karo abhimaan tyaago.

॥ doha ॥
duniya ka moh tyaag ke shiv mein rahiye leen.
sukh-duhkh haani-laabh to shiv ke hee hai adheen..

bhasm ramaiya paarvatee vallbh, shiv phaladaayak shiv hai durlabh
maha kautukee hai shiv shankar, trishool dhaaree shiv abhayankar
shiv kee rachana dharatee ambar, devo ke svaamee shiv hai digambar
kaal dahan shiv roondan poshit, hone na dete dharm ko dooshit
durgaapati shiv girijaanaath, dete hai sukhon kee prabhaat
srshtikarta tripuradhaaree, shiv kee mahima kahee na jaatee
divya tej ke ravi hai shankar, pooje ham sab tabhee hai shankar
shiv sam aur koee aur na daanee, shiv kee bhakti hai kalyaanee
kahate munivar gunee sthaanee, shiv kee baaten shiv hee jaane
bhakton ka hai shiv priy halaahal, nekee ka ras baatante har pal
sabake manorath siddh kar dete, sabakee chinta shiv har lete
bam bhola avadhoot savaroopa, shiv darshan hai ati anupa
anukampa ka shiv hai jharana, harane vaale sabakee trshna
bhooto ke adhipati hai shankar, nirmal man shubh mati hai shankar
kaam ke shatru vish ke naashak, shiv mahaayogee bhay vinaashak
roodr roop shiv maha tejasvee, shiv ke jaisa kaun tapasvee
himagiree parvat shiv ka dera, shiv sammukh na tike andhera
laakhon sooraj kee shiv jyoti, shastron mein shiv upamaan hoshee
shiv hai jag ke srjan haare, bandhu sakha shiv isht hamaare
gau braahman ke ve hitakaaree, koee na shiv sa par upakaaree

॥ doha ॥
shiv karuna ke srot hai shiv se kariyo preet.
shiv hee param puneet hai shiv saache man meet..

shiv sarpo ke bhooshanadhaaree, paap ke bhakshan shiv tripuraaree
jataajoot shiv chandrashekhar, vishv ke rakshak kala kaleshvar
shiv kee vandana karane vaala, dhan vaibhav pa jaaye niraala
kasht nivaarak shiv kee pooja, shiv sa dayaalu aur na dooja
panchamukhee jab roop dikhaave, daanav dal mein bhay chha jaave
dam-dam damaroo jab bhee bole, chor nishaachar ka man dole
ghot ghaat jab bhang chadhaave, kya hai leela samajh na aave
shiv hai yogee shiv sanyaasee, shiv hee hai kailaas ke vaasee
shiv ka daas sada nirbheek, shiv ke dhaam bade ramaneek
shiv bhrkuti se bhairav janme, shiv kee moorat raakho man mein
shiv ka archan mangalakaaree, mukti saadhan bhav bhayahaaree
bhakt vatsal deen dyaala, gyaan sudha hai shiv krpaala
shiv naam kee nauka hai nyaaree, jisane sabakee chinta taaree
jeevan sindhu sahaj jo tarana, shiv ka harapal naam sumirana
taarakaasur ko maarane vaale, shiv hai bhakto ke rakhavaale
shiv kee leela ke gun gaana, shiv ko bhool ke na bisaraana
andhakaasur se dev bachaaye, shiv ne adbhut khel dikhaaye
shiv charano se lipate rahiye, mukh se shiv shiv jay shiv kahiye
bhasmaasur ko var de daala, shiv hai kaisa bhola bhaala
shiv teertho ka darshan keejo, man chaahe var shiv se leejo

॥ doha ॥
shiv shankar ke jaap se mit jaate sab rog.
shiv ka anugrah hote hee peeda na dete shok..

brhama vishnu shiv anugaamee, va hai deen heen ke svaamee
nirbal ke balaroop hai shambhu, pyaase ko jalaroop hai shambhu
raavan shiv ka bhakt niraala, shiv ko dee dash sheesh ki maala
garv se jab kailaash uthaaya, shiv ne angoothe se tha dabaaya
duhkh nivaaran naam hai shiv ka, ratn hai vo bin daam shiv ka
shiv hai sabake bhaagyavidhaata, shiv ka sumiran hai phaladaata
shiv dadheechi ke bhagavanta, shiv kee taree amar ananta
shiv ka sevaadaar sudarshan, saanse kar dee shiv ko arpan
mahaadev shiv aughadadaanee, baayen ang mein saje bhavaanee
shiv shakti ka mel niraala, shiv ka har ek khel niraala
shambhar naamee bhakt ko taara, chandrasen ka shok nivaara
pingala ne jab shiv ko dhyaaya, deh chhootee aur moksh paaya
gokarn kee chan chooka anaaree, bhav saagar se paar utaaree
anasuiya ne kiya aaraadhan, toote chinta ke sab bandhan
bel patto se pooja kare chandaalee, shiv kee anukampa huee niraalee
maarkandey kee bhakti hai shiv, durvaasa kee shakti hai shiv
raam prabhu ne shiv aaraadha, setu kee har tal gaee baadha
dhanushabaan tha paaya shiv se, bal ka saagar tab aaya shiv se
shree krshn ne jab tha dhyaaya, dash putron ka var tha paaya
ham sevak to svaamee shiv hai, anahad antaryaamee shiv hai

॥ doha ॥
deen dayaalu shiv mere, shiv ke rahiyo daas.
ghat ghat kee shiv jaanate, shiv par rakh vishvaas..

parashuraam ne shiv gun gaaya, keenha tap aur pharasa paaya
nirgun bhee shiv shiv niraakaar, shiv hai srshti ke aadhaar
shiv hee hote moortimaan, shiv hee karate jag kalyaan
shiv mein vyaapak duniya saaree, shiv kee siddhi hai bhayahaaree
shiv hai baahar shiv hee andar, shiv hee rachana saat samundr
shiv hai har ik ke man ke bheetar, shiv hai har ek kan kan ke bheetar
tan mein baitha shiv hee bole, dil kee dhadakan mein shiv dole
‘ham’kathaputalee shiv hee nachaata, nayanon ko par najar na aata
maatee ke rangadaar khilaune, saanval sundar aur salone
shiv ho jode shiv ho tode, shiv to kisee ko khula na chhode
aatma shiv paramaatma shiv hai, dayaabhaav dharmaatma shiv hai
shiv hee deepak shiv hee baatee, shiv jo nahin to sab kuchh maatee
sab devo mein jyeshth shiv hai, sakal guno mein shreshth shiv hai
jab ye taandav karane lagata, brhmaand saara darane lagata
teesara chakshu jab jab khole, traahi traahi yah jag bole
shiv ko tum prasann hee rakhana, aastha lagn banaaye rakhana
vishnu ne kee shiv kee pooja, kamal chadhaoon man mein sujha
ek kamal jo kam tha paaya, apana sundar nayan chadhaaya
saakshaat tab shiv the aaye, kamal nayan vishnu kahalaaye
indradhanush ke rango mein shiv, santo ke satsangon mein shiv

॥ doha ॥
mahaakaal ke bhakt ko maar na sakata kaal.
dvaar khade yamaraaj ko shiv hai dete taal..

yagy soodan maha raudr shiv hai, aanand moorat natavar shiv hai
shiv hee hai shmashaan ke vaasee, shiv kaaten mrtyulok kee phaansee
vyaaghr charam kamar mein sohe, shiv bhakton ke man ko mohe
nandee gan par kare savaaree, aadinaath shiv gangaadhaaree
kaal ke bhee to kaal hai shankar, vishadhaaree jagapaal hai shankar
mahaasatee ke pati hai shankar, deen sakha shubh mati hai shankar
laakho shashi ke sam mukh vaale, bhang dhatoore ke matavaale
kaal bhairav bhooto ke svaamee, shiv se kaampe sab phalagaamee
shiv hai kapaalee shiv bhasmaangee, shiv kee daya har jeev ne maangee
mangalakarta mangalahaaree, dev shiromani mahaasukhakaaree
jal tatha vilv kare jo arpan, shraddha bhaav se kare samarpan
shiv sada unakee karate raksha,satyakarm kee dete shiksha
ling par chandan lep jo karate, unake shiv bhandaar hain bharate
64 yoganee shiv ke bas mein, shiv hai nahaate bhakti ras mein
vaasuki naag kanth kee shobha, aashutosh hai shiv mahaadeva
vishvamoorti karunaanidhaan, maha mrtyunjay shiv bhagavaan
shiv dhaare rudraaksh kee maala, neeleshvar shiv damaroo vaala
paap ka shodhak mukti saadhan, shiv karate nirdayee ka mardan

॥ doha ॥
shiv sumarin ke neer se dhool jaate hai paap.
pavan chale shiv naam kee udate dukh santaap..

panchaakshar ka mantr shiv hai, saakshaat sarveshvar shiv hai
shiv ko naman kare jag saara, shiv ka hai ye sakal pasaara
ksheer saagar ko mathane vaale, rddhi seedhee sukh dene vaale
ahankaar ke shiv hai vinaashak, dharm-deep jyoti prakaashak
shiv bichhuvan ke kundaladhaaree, shiv kee maaya srshti saaree
mahaananda ne kiya shiv chintan, rudraaksh maala kinhee dhaaran
bhavasindhu se shiv ne taara, shiv anukampa aparampaara
tri-jagat ke yash hai shivajee, divy tej gaureesh hai shivajee
mahaabhaar ko sahane vaale, vair rahit daya karane vaale
gun svaroop hai shiv anoopa, ambaanaath hai shiv taparoopa
shiv chandeesh param sukh jyoti, shiv karuna ke ujjval motee
punyaatma shiv yogeshvar, mahaadayaalu shiv sharaneshvar
shiv charanan pe mastak dhariye, shraddha bhaav se archan kariye
man ko shivaala roop bana lo, rom rom mein shiv ko rama lo
maathe jo bhakt dhool dharenge, dhan aur dhan se kosh bharenge
shiv ka baak bhee banana jaave, shiv ka daas param pad paave
dashon dishaon me shiv drshti, sab par shiv kee krpa drshti
shiv ko sada hee sammukh jaano, kan-kan beech base hee maano
shiv ko saumpo jeevan naiya, shiv hai sankat taal khivaiya
anjali baandh kare jo vandan, bhay janjaal ke toote bandhan

॥ doha ॥
jinakee raksha shiv kare, maare na usako koy.
aag kee nadiya se bache, baal na baanka hoy..

shiv daata bhola bhandaaree, shiv kailaashee kala bihaaree
sagun brahm kalyaan karta, vighn vinaashak baadha harta
shiv svaroopinee srshti saaree, shiv se prthvee hai ujiyaaree
gagan deep bhee maaya shiv kee, kaamadhenu hai chhaaya shiv kee
ganga mein shiv , shiv me ganga, shiv ke taare turat kusanga
shiv ke kar mein saje trishoola, shiv ke bina ye jag nirmoola
svarnamayee shiv jata niraalee, shiv shambhoo kee chhata niraalee
jo jan shiv kee mahima gaaye, shiv se phal manavaanchhit paaye
shiv pag pankaj savarg samaana, shiv paaye jo taje abhimaana
shiv ka bhakt na duhkh me dolen, shiv ka jaadoo sir chadh bole
paramaanand anant svaroopa, shiv kee sharan pade sab koopa
shiv kee japiyo har pal maala, shiv kee najar me teeno qaala
antar ghat me ise basa lo, divy jot se jot mila lo
nam: shivaay jape jo svaasa, pooreen ho har man kee aasa

॥ doha ॥
paramapita paramaatma pooran sachchidaanand.
shiv ke darshan se mile sukhadaayak aanand..

shiv se bemukh kabhee na hona, shiv sumiran ke motee pirona
jisane bhajan hai shiv ke seekhe, usako shiv har jagah hee dikhe
preet mein shiv hai shiv mein preetee, shiv sammukh na chale aneeti
shiv naam kee madhur sugandhee, jisane mast kiyo re nandee
shiv nirmal ‘nirdosh’‘sanjay’ niraale, shiv hee apana virad sambhaale
param purush shiv gyaan puneeta, bhakto ne shiv prem se jeeta

॥ doha ॥
aantho pahar araadheey jyotirling shiv roop.
nayanan beech basaiye shiv ka roop anoop..

ling may saara jagat hain, ling dharatee aakaash
ling chintan se hot hain sab paapo ka naash
ling pavan ka veg hain, ling agni kee jyot
ling se paataal hain ling varun ka strot
ling se hain vanaspati, ling hee hain phal phool
ling hee ratn svaroop hain, ling maatee nirdhoop
ling hee jeevan roop hain, ling mrtyulingakaar
ling megha ghanaghor hain, ling hee hain upachaar
jyotirling kee saadhana karate hain teeno log
ling hee mantr jaap hain, ling ka room shlok
ling se bane puraan, ling vedo ka saar
ridhiya siddhiya ling hain, ling karata karataar
praatakaal ling poojiye poorn ho sab kaaj
ling pe karo vishvaas to ling rakhenge laaj
sakal manorath se hot hain dukho ka ant
jyotirling ke naam se sumirat jo bhagavant
maanav daanav rshimuni jyotirling ke daas
sarv vyaapak ling hain pooree kare har aas
shiv rupee is ling ko pooje sab avataar
jyotirlingon kee daya sapane kare saakaar
ling pe chadhane vaidy ka jo jan le parasaad
unake hraday mein baje… shiv karoona ka naad
mahima jyotirling kee jaenge jo log
bhay se mukti paenge rog rahe na shob
shiv ke charan saroj too jyotirling mein dekh
sarv vyaapee shiv badale bhaagy teere
daareen jyotirling pe ganga jal kee dhaar
karenge gangaadhar tujhe bhav sindhu se paar
chit siddhi ho jae re lingo ka kar dhyaan
ling hee amrt kalash hain ling hee daya nidhaan

om nam: shivaaye om nam: shivaaye om nam: shivaaye om nam: shivaaye om nam: shivaaye om nam: shivaaye om nam: shivaaye om nam: shivaaye om nam: shivaaye om nam: shivaaye om nam:

part- 4 & 5
jyotirling hai shiv kee jyoti, jyotirling hai daya ka motee
jyotirling hai ratnon kee khaan, jyotirling mein rama jahaan
jyotirling ka tez niraala, dhan sampati dene vaala
jyotirling mein hai nat naagar, amar gunon ka hai ye saagar
jyotirling kee kee jo seva, gyaan paan ka paoge meva
jyotirling hai pita saamaan, sashti isakee hai santaan
jyotirling hai isht pyaare, jyotirling hai sakha hamaare
jyotirling hai naareeshvar, jyotirling hai shiv vimaleshvar
jyotirling gopeshvar daata, jyotirling hai vidhi vidhaata
jyotirling hai sharrendashvar svaamee, jyotirling hai antaryaamee
satayug mein ratno se shobhit, dev jaano ke man ko mohit
jyotirling hai atyant sundar, chhatta isakee brahmaand andar
treta yug mein svarn sajaata, sukh sooraj ye dhyaan dhvajaata
sakl srshti man kee karatee, nisadin pooja bhajan bhee karatee
dvaapar yug mein paaras nirmit, gunee gyaanee sur nar sevee
jyotirling sabake man ko bhaata, mahamaarak ko maar bhagaata
kalayug mein paarthiv kee moorat, jyotirling nandakeshvar soorat
bhakti shakti ka varadaata, jo daata ko hans banata
jyotirling par pushp chadhao, kesar chandan tilak lagao
jo jaan karen doodh ka arpan, ujale ho unake man darpan

॥ doha ॥
jyotirling ke jaap se tan man nirmal hoye.
isake bhakton ka manava kare na vichalit koee..

somanaath sukh karane vaala, som ke sankat harane vaala
daksh shraap se som chhudaaya, som hai shiv kee adbhut maaya
chandr dev ne kiya jo vandan, som ne kaate duhkh ke bandhan
jyotirling hai sada sukhadaayee, deen heen ka sahaayee
bhakti bhaav se ise jo dhyaaye, man vaanee sheetal tar jaaye
shiv kee aatma roop som hai prabhu paramaatma roop som hai
yanha upaasana chandr ne kee, shiv ne usakee chinta har lee
isake rath kee shobha nyaaree, shiv amrt saagar bhavabhayadhaaree
chandr kund mein jo bhee nahaaye, paap se ve jan mukti pae
chh: kushth sab rog mitaaye, naaya kundan pal mein banaave
malikaarjun hai naam nyaara, shiv ka paavan dhaam pyaara
kaartikey hai jab shiv se roothe, maata pita ke charan hai chhoote
shree shailesh parvat ja pahunche, kasht bhay paarvatee ke man mein
prabhu kumaar se chalee jo milane, sang chalana maana shankar ne
shree shailesh parvat ke oopar, gae jo donon uma maheshvar
unhen dekhakar kaartikey uth bhaage, aur umaar parvat par viraaje
janha shrit hue paaravatee shankar, kaam banaave shiv ka sundar
shiv ka arjan naam suhaata, malika hai meree paaravatee maata
ling roop ho jahaan bhee rahate, malikaarjun hai usako kahate
manavaanchhit phal dene vaala, nirbal ko bal dene vaala

॥ doha ॥
jyotirling ke naam kee le man maala pher.
manokaamana pooree hogee lage na chin bhee der..

ujjain kee nadee kshipra kinaare, braahman the shiv bhakt nyaare
dooshan daity sataata nisadin, garm dvesh dikhalaata jis din
ek din nagaree ke nar naaree, dukhee ho raakshas se atihaaree
param siddh braahman se bole, daity ke dar se har koee dole
dusht nisaachar chhutakaara, paane ko yagy pyaara
braahman tap ne rang dikhae, prthvee phaad mahaakaal aaye
raakshas ko hunkaar maara, bhay bhakton ubaara
aagrah bhakton ne jo keenha, mahaakaal ne var tha deena
jyotirling ho rahoon yanha par, ichchha poorn karoon yanha par
jo koee man se mujhako pukaare usako doonga vaibhav saare
ujjainee raaja ke paas mani thee adbhut badee hee khaas
jise chheenane ka shadayantr, kiya tha kalyon ne hee milakar
mani bachaane kee aasha mein, shatru bhee kaee the abhilaasha mein
shiv mandir mein dera jamaakar, kho gae shiv ka dhyaan lagaakar
ek baalak ne had hee kar dee, us raaja kee dekha dekhee
ek saadhaaran sa patthar lekar, pahuncha apanee kutiya bheetar
shivaling maan ke ve paashaan, poojane laga shiv bhagavaan
usakee bhakti chumbak se, kheenche hee chale aaye jhat se bhagavaan
omakaar omakaar kee rat sunakar, pratishthit omakaar banakar
omkaareshvar vahee hai dhaam, ban jae bigade vanha pe kaam
nar naaraayan ye do avataar, bholenaath ko tha jinase pyaar
patthar ka shivaling banaakar, namah shivaay kee dhun gaakar

॥ doha ॥
shiv shankar omakaar ka rat le manava naam.
jeevan kee har raah mein shivajee lenge kaam..

nar naaraayan ye do avataar, bholenaath ko tha jinase pyaar
patthar ka shivaling banaakar, namah shivaay kee dhun gaakar
kaee varsh tap kiya shiv ka, pooja aur jap kiya shankar ka
shiv darshan ko ankhiya pyaasee, aa gae ek din shiv kailaashee
nar naaraayan se shiv hai bole, daya ke mainne dvaar hai khole
jo ho ichchha lo varadaan, bhakt ke mein hai bhagavaan
karavaane kee bhakt ne vinatee, kar do pavan prabhu ye dharatee
taras raha ye jaar ka khand ye, ban jaaye amrt uttam kund ye
shiv ne unakee maanee baat, ban gaya benee kedaanaath
mangaladaayee dhaam shiv ka, goonj raha janha naam shiv ka
kumbhakaran ka beta bheem, brahmavaar ka hua bali aseer
indradev ko usane haraaya, kaam roop mein garajata aaya
kaid kiya tha raaja sudakshan, kaaraagaar mein kare shiv poojan
kisee ne bheem ko ja batalaaya, krodh se bhar ke vo vanha aaya
paarthiv ling par maar hathoda, jag ka paavan shivaling toda
prakat hue shiv taandav karate, laga bhaagane bheem tha dar ke
damaroo dhaar ne dekar jhataka, dhara pe paapee daanav pataka
aisa roop vikraal banaaya, pal mein raakshas maar giraaya
ban gae bhole jee prayalankaar, bheem maar ke hue bheemashankar
shiv kee kaisee alaukik maaya, aaj talak koee jaan na paaya

har har har mahaadev ka mantr padhen har din re
duhkh se peedak mandir pa jaayega chain
parameshvar ne ek din bhakton, jaanana chaaha ek mein do ko
naaree purush ho prakate shivajee, parameshvar ke roop hain shivajee
naam purush ka ho gaya shivajee, naaree banee thee amba shakti
parameshvar kee aagya paakar, tapee bane donon samaadhi lagaakar
shiv ne adbhut tez dikhaaya, paanch kosh ka nagar basaaya
jyotirmay ho gaya aakaash, nagaree siddh huee purush ke paas
shiv ne kee tab srshti kee rachana, padha us nagaron ko kashee banana
paath paush ke kaaran tab hee, isako kahate hain panchakoshee
vishveshvar ne ise basaaya, vishvanaath ye tabhee kahalaaya
yanha naman jo man se karate, siddh manorath unake hote
brahmagiri par tap gautam lekar, pae kitano ke siddh lekar
trsha ne kuchh rshi bhatakae, gautam ke vairee ban aaye
dvesh ka sabane jaal bichhaaya, gau hatya ka iljaam lagaaya
aur kaha tum praayashchitt karana, svargalok se ganga laana
ek karod shivaling lagaakar, gautam kee tap jyot ujaagar
prakat shiv aur shiva vanha par, maanga rshi ne ganga ka var
shiv se ganga ne vinay kee, aise prabhu mein yanha na rahoongee
jyotirling prabhu aap ban jae, phir meree nirmal dhara bahaaye
shiv ne maanee ganga kee vinatee, ganga baanee jhatapat gautamee
triyambakeshvar hai shivajee viraaje, jinaka jag mein danka baaje

॥ doha ॥
ganga dhar kee archana kare jo manchit laaye.
shiv karuna se unapar aanch kabhee na aaye..

raakshas raaj mahaabalee raavan, ne jab kiya shiv tap se vandan
bhaye prasann shambhoo pragate, diya varadaan raavan pag padhake
jyotirling lanka le jao, sada hee shiv shiv jay shiv gao
prabhu ne usakee archan maanee, aur kaha rahe saavadhaanee
raste mein isako dhara pe na dharana, yadi dharega to phir na uthana
shivaling raavan ne uthaaya, garudadev ne rang dikhaaya
use prateet huee laghushanka, usane khoya usane man ka
vishnu braahman roop mein aaye, jyotirling diya use thamae
raavan nibhyaat ho jab aaya, jyotirling prthvee par paaya
jee bhar usane jor lagaaya, gaya na phir se uthaaya
ling gaya paataal mein us pal, adh aangal raha bhoomi oopar
pooree raat lankesh chipakaaya, chandrakoop phir koop banaaya
usame teerthon ka jal daala, namo shivaay kee pheree maala
jal se kiya tha ling abhishek, jay shiv ne bhee drshy dekha
ratn poojan ka use un keenha, natavar pooja ka use var deena
pooja kari mere man ko bhaave, vaidhanaath ye sada kahaaye
manavaanchhit phal milate rahenge, sookhe upavan khilate rahenge
ganga jal jo kaanvad laave, bhaktajan mere param pad paave
aisa anupam dhaam hai shiv ka, muktidaata naam hai shiv ka
bhaktan kee yanha haree banaaye, bol bam bol bam jo na gaaye

baidhanaath bhagavaan kee pooja karo dhar dhyaaye
saphal tumhaare kaaj ho mushkilen aasaan
supriy vaibhav prem anuraagee, shiv sang jisakee lagee thee
taad prataad daaruk atyaachaaree, deta usako pyaas ka maaree
supriy ko nirlajpuree lejaakar, band kiya use bandee banaakar
lekin bhakti chhut nahin paayee, jel mein pooja ruk nahin paayee
daaruk ek din phir vanha aaya, supriy bhakt ko bada dhamakaaya
phir bhee shraddha huee na vichalit, laga raha vandan mein hee chit
bhaktan ne jab shivajee ko pukaara, vanha singhaasan pragat tha nyaara
jis par jyotirling saja tha, mashtak ashtr hee paas pada tha
astr ne supriy jab lalakaara, daaruk ko ek vaar mein maara
jaisa shiv ka aadesh tha aaya, jay shivaling naagesh kahalaaya
raghuvar kee lanka pe chadhaee , lalita ne kala dikhaee
sau yojan ka setu baandha, raam ne us par shiv aaraadha
raavan maar ke jab laut aaye, paraamarsh ko rshi bulaaye
kaha muniyon ne dhayaan deejau, prabhu hatya ka praayashchity keejau
baaloo kaalee ne seee banaaya, jisase raghuvar ne ye dhyaaya
raam kiyo jab shiv ka dhyaan, brahm dalan ka dhool gaya paap
har har mahaadev jay kaaree, bhoomandal mein goonje nyaaree
janha charana shiv naam kee bahatee, usako sabhee raameshvar kahate
ganga jal se yanha jo nahaaye, jeevan ka vo har sakh pae
shiv ke bhakton kabhee na dolo jay raameshvar jay shiv bolo

paaravatee ballbh shankar kahe jo ek man hoye
shiv karuna se usaka kare na anisht koee
devagiri hee sudharma rahata, shiv archan ka vidhi se karata
usakee sudeha patnee pyaaree, poojatee man se teerth puraaree
kuchh kuchh phir bhee rahatee chintit, kyoonki thee santaan se vanchit
sushama usakee bahin thee chhotee, prem sudeha se bada karatee
use sudeha ne jo manaaya, lagan sudharma se karavaaya
baalak sushama kokh se janma, chaand se jisakee hotee upama
pahale sudeha ati harshaayee, eershya phir thee man mein samaayee
kar dee usane baat niraalee, hatya baalak kee kar daalee
usee sarovar mein shav daala, sushama japatee shiv kee maala
shraddha se jab dhyaan lagaaya, baalak jeevit ho chal aaya
saakshaat shiv darshan deenhe, siddh manorath sare keenhe
vaasit hokar parameshvar, ho gae jyotirling ghushmeshvar
jo chugan lage lagan ke motee, shiv kee varsha un par hotee
shiv hai dayaalu damaroo vaale, shiv hai santan ke rakhavaale
shiv kee bhakti hai phaladaayak, shiv bhakton ke sada sahaayak
man ke shivaale mein shiv dekho, shiv charan mein mastak teko
ganapati ke shiv pita hain pyaare, teeno lok se shiv hain nyaare
shiv charanan ka hoye jo daas, usake grh mein shiv ka nivaas
shiv hee hain nirdosh niranjan, mangaladaayak bhay ke bhanjan
shraddha ke maange bin pattiyaan, jaane sabake man kee batiyaan

॥ doha ॥
shiv amrt ka pyaar se kare jo nisadin paan.
chandrachood sada shiv kare unaka to kalyaan..