Vidhata Tu Hamara Hai, Tu Hi Vigyan Data Hai ।
Bina Teri Daya Koi, Nahin Anand Pata Hai ॥
Titiksha Ko Kasauti Se, Jise Tu Janch Leta Hai ।
Usi Vidyadhikari Ko, Avidya Se Chhudata Hai ॥
Satata Jo Na Auron Ko, Na Dhokha Aap Khata Hai ।
Wahi Sadbhakt Hai Tera, Sadachari Kahata Hai ॥
Sada Jo Nyay Ka Pyara, Praja Ko Daan Deta Hai ।
Maharaja ! Usi Ko Tu Bada Raja Banata Hai ॥
Taje Jo Dharm Ko, Dhara Kukarmon Ko Bahata Hai ।
Na Aise Neech Papi Ko Kabhi Uncha Chadhata Hai ॥
Swayambhoo Shankaranandi Tujhe Jo Jaan Leta Hai ।
Wahi Kaivaly Satta Ki Mahatta Mein Samata Hai ॥