Kripalu Bhagwan Kripa Ho Karte,
Isi Kripa Se Nar Tan Mila Hai ।
Dayalu Bhagwan Daya Ho Karte,
Isi Daya Se Ye Man Mila Hai ॥
Ajar, Amar Tum Ho Srishtikarta,
Anupam, Anadi Ho Jag Ke Bharta ।
Abhay, Ajnma Ho Jag Ke Swami,
Akar Tera Nahin Mila Hai ॥
Brahmand Rachte Ho Tum Swayam Hi,
Na Shaktimatta Tum Jaisi Koi ।
Kan-kan Ke Yojak He Jaganiyanta!
Ichchha Se Teri Har Kan Hila Hai ॥
Hai Kaisi Adbhut Karigari Ye,
Jo Koi Dekhe Hota Achambhit ।
Na Hath Sui Lekar Ke Dhaga,
Manush Ka Chola Kaise Sila Hai ॥
Ho Karte Katran Tum Nyari-nyari,
Vividh Rangon Se Bhari Phulwari ।
Saurabh Suman Ki Main Jaun Vari,
Chaman Ka Har Gul Sundar Khila Hai ॥
Vividh Khanij Se Bhari Hai Vasudha,
Kya Swarn, Chandi Kya Tamr, Lauha ।
Hai Pranavayu Kaisi Deti Jo Jeevan,
Bhandar Jan-dhan Sabko Mila Hai ॥
Hain Kaise Jalachar Rahate Hi Jal Mein,
Andar Hi Kaise Hain Shwas Lete ।
Hain Kuchh Ubhayachar Prani Jagat Mein,
Tu in Ye Van Mein Mujhko Mila Hai ॥
Hai Nyayakarin! Ho Nyay Karte,
Kiya Ho Jaisa Vaisa Ho Bharte ।
Na Tolate Kam Aur Na Jiyada,
Chalta Nirantar Ye Silsila Hai ॥
Na Tum Ho Khate Bas Ho Khilate,
Na Tum Ho Pite Bas Ho Pilate ।
Bhar-bhar Ke Anand Ka Ras Pilaya,
Anand Se Man Kamal Khila Hai ॥
Pag Pap Path Par Kabhi Badhe Na,
Punyon Ki Sarani Par Nit Badhun Main ।
`nandakishor` Badho Abhay Man,
Mushkil Se Manav Ka Tan Mila Hai ॥
- Nandakishor Arya