Jivan Ka Nishkarsh Yahi Hai,
Prabhu Prem Mein Lag Jana,
Aao Sab Mil Baitho Pyaare,
Ram Katha Sunakar Jaana,
Aao Sab Mil Baitho Pyaare,
Ram Katha Sunakar Jaana ॥
Ram Katha Ki Pavan Ganga,
Aviral Bahati Jaye,
Prem Bhav Ki Shital Laharen,
Bhitar Tak Laharae,
Kuchh Baaten Hai Sunane Layak,
Kuch Baaten Gun Kar Jana,
Aao Sab Mil Baitho Pyaare,
Ram Katha Sunakar Jaana ॥
Uttam Bane Vichaar Yahi,
Matalab Hai Ramakatha Ka,
Auron Ki Pida Ka Ho,
Maan Mein Aabhas Vyatha Ka,
Kul Parivaar Odh Le Pyaare,
Wo Chadar Bun Kar Jana,
Aao Sab Mil Baitho Pyaare,
Ram Katha Sunakar Jaana ॥
Tulasidas Bhagirath Banakar,
Tap Jap Kiye Abhanga,
Tab Jakar Manas Se Nikali,
Paap Nashani Ganga,
Ramakatha Ganga Mein ‘Raajan’,
Tirate Tirate Tar Jana,
Aao Sab Mil Baitho Pyaare,
Ram Katha Sunakar Jaana ॥
Jivan Ka Nishkarsh Yahi Hai,
Prabhu Prem Mein Lag Jana,
Aao Sab Mil Baitho Pyaare,
Ram Katha Sunakar Jaana,
Aao Sab Mil Baitho Pyaare,
Ram Katha Sunakar Jaana ॥