Trishna Na Jaye Man Se ॥
Doha – Mathura Vrindavan Saghan,
Aur Yamuna Ke Teer,
Dhanya Dhanya Mati Sughar,
Dhanya Kalindi Neer ॥
Krishna Bolo Krishna,
Hare Krishna Radhe Krishna ॥
Trishna Na Jaye Man Se,
Krishna Na Aaye Man Mein,
Jatan Karoon Main Hajaar,
Kaise Lagegi Naiya Paar,
Ghanshyam Ji,
Kaise Lagegi Naiya Paar ॥
Ik Pal Maya Saath Na Chhode,
Jidhar Jidhar Chahe Mujhe Mode,
Hari Bhakti Se Hari Poojan Se,
Mera Rishta Naata Tode,
Maya Na Jaye Man Se,
Bhakti Na Aaye Man Mein,
Jeevan Na Jaye Bekaar,
Kaise Lagegi Naiya Paar,
Mere Shyam Ji,
Kaise Lagegi Naiya Paar ॥
Kshama Karo Mere Girivar Dhari,
Chanchalta Man Ki Lachari,
Lagan Jaga Do Man Mein Swami,
Tum Ho Prabhu Ji Antaryami,
Man Na Bane Anuragi,
Bhavna Bane Na Tyagi,
Daya Karo Kartaar,
Kaise Lagegi Naiya Paar,
Ghanshyam Ji,
Kaise Lagegi Naiya Paar ॥
Trishna Na Jaye Man Se,
Krishna Na Aaye Man Mein,
Jatan Karoon Main Hajaar,
Kaise Lagegi Naiya Paar,
Ghanshyam Ji,
Kaise Lagegi Naiya Paar ॥