Hamne Aangan Nahi Buhara, Kaise Ayenge Bhagwan (भजन: हमने आँगन नहीं बुहारा...)

Hamane Aangan Nahin Buhara,
Kaise Aayenge Bhagawan ।
Man Ka Mail Nahin Dhoya To,
Kaise Aayenge Bhagawan ॥

Har Kone Kalmash-Kashay Ki,
Lagi Hui Hai Dheri ।
Nahin Gyan Ki Kiran Kaheen Hai,
Har Kothari Andheri ।
Aangan Chaubaiara Andhiyara,
Kaise Aayenge Bhagawan ॥

Hriday Hamara Pighal Na Paya,
Jab Dekha Dukhiyara ।
Kisi Panth Bhoole Ne Hamase,
Paaya Nahin Sahara ।
Sookhi Hai Karuna Ki Dhara,
Kaise Aayenge Bhagawan ॥

Antar Ke Pat Khol Dekh Lo,
Eeshwar Paas Milega ।
Har Prani Mein Hi Parameshwar,
Ka Aabhas Milega ।
Sachche Mann Se Nahin Pukara,
Kaise Aayenge Bhagawan ॥

Nirmal Mann Ho To Raghunayak,
Shabari Ke Ghar Jate ।
Shyam Soor Ki Banhe Pakadate,
Shaag Vidur Ghar Khate ।
Is Par Hamane Nahin Vichara,
Kaise Aayenge Bhagawan ॥

Hamane Aangan Nahin Buhara,
Kaise Aayenge Bhagawan ।
Man Ka Mail Nahin Dhoya To,
Kaise Aayenge Bhagawan ॥

Read Also

• Maa Gayatri
• Shri Gayatri Chalisa
• Gayatri Mata Ki Arti
• Gayatri Shaktipeeth Dwarka

BhajanShri Ram BhajanShri Raghuvar BhajanRam Navmi BhajanSundarkand BhajanRamayan Path BhajanVijayadashami Bhajan BhajanMata Sita BhajanRam Sita Vivah BhajanGayatri Pariwar BhajanAWGP BhajanMaithili Thakur Bhajan

If you love this article please like, share or comment!

* If you are feeling any data correction, please share your views on our contact us page.
** Please write your any type of feedback or suggestion(s) on our contact us page. Whatever you think, (+) or (-) doesn't metter!