Namami-namami Awadh Ke Dulare ।
Khada Hath Bandhe Main Dar Par Tumhare ॥
Na Karta Hoon Bhakti Na Jap Yog Sadhan ।
Kaise Katenge Yah Maya Ke Bandhan ॥
Duhkhi Deen Ho Ke Yah Manva Pukare ॥
Namami-namami Awadh Ke Dulare ।
Bhanwar Mein Padi Aa Ke Naiya Yah Meri ।
Sahara Na Dooja Hai Ik Aas Teri ॥
Tu Ban Ke Khivaiya Laga De Kinare ॥
Namami-namami Awadh Ke Dulare ।
Main Kami Hoon Krodhi Hoon Lobhi Awara ।
Liya Naam Dil Se Kabhi Na Tumhara ॥
Daya Kar Kshama Kar Tu Bakhsh Bakhshan Hare ॥
Namami-namami Awadh Ke Dulare ।
Binti Yahi Hai Prabhu Ke Charan Mein ।
Aaye Hain Hum Sab Tumhari Sharan Mein ॥
Karo Door Avgun Jo Hoven Hamare ॥
Namami-namami Awadh Ke Dulare ।