Sare Tirath Dham Apke Charno Mein ।
Hai Gurudev Pranam Aapke Charno Mein ।
Hriday Mein Maa Gauri Lakshmi,
Kanth Sharda Mata Hai ।
Jo Bhi Mukh Se Vachan Kahen,
Vo Vachan Siddh Ho Jata Hai ।
Hain Guru Brahma, Hain Guru Vishnu,
Hain Shankar Bhagwan Aapke Charano Mein ।
Hai Gurudev Pranam Aapke Charno Mein ।
Janam Ke Data Maat Pita Hain,
Aap Karam Ke Data Hain ।
Aap Milate Hain Ishwar Se,
Aap Hi Bhagya Vidhata Hain ।
Dukhiya Man Ko Rogi Tan Ko,
Milta Hai Aaram Aapke Charno Mein ।
Hai Gurudev Pranam Aapke Charno Mein ।
Nirbal Ko Balwan Bana Do,
Murkh Ko Gunvan Prabhu ।
Devkamal Aur Vansi Ko Bhi,
Gyan Ka Do Vardan Guru ।
Hai Maha Dani Hai Maha Gyani,
Rahoon Main Subaho-shaam Aapke Charno Mein ।
Hai Gurudev Pranam Aapke Charno Mein ।
Karta Kare Na Kar Sake,
Par Guru Kiye Sab Hoye ।
Saat Dweep Nau Khand Me,
Mere Guru Se Bada Na Koye ॥
Sab Dharti Kaagaz Karoon,
Lekhni Sab Vanray ।
Samudr Ko Syahi,
Par Guru Gun Likhyo Na Jaye ॥
Sare Tirath Dham Apke Charno Mein ।
Hai Gurudev Pranam Aapke Charno Mein ।