Ghanshyam Tumhare Mandir Mein,
Main Tumhe Rijhane Aayi Hoon,
Vaani Mein Tanik Mithas Nahin,
Par Vinay Sunane Aayi Hoon ॥
Main Dekhoon Apne Karmo Ko,
Phir Daya Ko Teri Karuna Ko,
Thukrai Huyi Main Duniya Se,
Tera Dar Khatkane Aayi Hoon,
Ghanshyam Tumharen Mandir Mein,
Main Tumhe Rijhane Aayi Hoon ॥
Prabhu Ka Charnamrit Lene Ko,
Hai Paas Mere Koi Paatr Nahin,
Aankhon Ke Donon Pyalon Mein,
Main Bheekh Maangne Aayi Hoon,
Ghanshyam Tumharen Mandir Mein,
Main Tumhe Rijhane Aayi Hoon ॥
Teri Aas Hai Shyam Nivanianu,
Teri Shaan Hai Bigdi Bana Dena,
Tum Swami Ho Main Daasi Hoon,
Sambandh Badhane Aayi Hoon,
Ghanshyam Tumharen Mandir Mein,
Main Tumhe Rijhane Aayi Hoon ॥
Samjhi Thi Main Jinhen Apna,
Sab Ho Gaye Aaj Begane Hai,
Saari Duniya Ko Taj Ke Prabhu,
Tujhe Apna Banane Aayi Hoon,
Ghanshyam Tumharen Mandir Mein,
Main Tumhe Rijhane Aayi Hoon ॥
Ghanshyam Tumhare Mandir Mein,
Main Tumhe Rijhane Aayi Hoon,
Vaani Mein Tanik Mithas Nahin,
Par Vinay Sunane Aayi Hoon ॥