Man Mein Hai Vishwas Agar Jo,
Shyam Sahara Milta Hai,
Rota Hai Koi Shyam Ka Premi,
Rota Hai Koi Shyam Ka Premi,
Shyam Singhasan Hilata Hai ॥
Aandhi Aaye Tupha Aaye,
Kaisi Bhi Koi Mushkil Ho,
Jeevan Naiya Dol Rahi Ho,
Deekhta Na Kaheen Saahil Ho,
Aise Mein Vishwas Bhakt Ka,
Ek Na Ek Din Phalta Hai,
Man Mein Hai Vishwas Agar to,
Shyam Sahara Milta Hai ॥
Raah Dikhata Har Premi Ko,
Jeevan Path Par Saath Chale,
Aisa Hai Vishwas Sanwara,
Le Hathon Mein Hath Chale,
Shyam Sahara Ban Jata Hai,
Jab Koi Premi Phisalta Hai,
Man Mein Hain Vishwas Agar to,
Shyam Sahara Milta Hai ॥
Jiski Bagiya Shyam Sanware,
Mahke Vo Phulwari Hai,
Us Bagiya Ka Phool Sada Hi,
Baba Ka Aabhari Hai,
Murjhaye Na Phool Kabhi Vo,
Har Mausam Mein Khilta Hai,
Man Mein Hain Vishwas Agar to,
Shyam Sahara Milta Hai ॥
Karle Bharosa Shyam Prabhu Par,
Idhar Udhar Tu Bhatke Kyun,
Haknaya Jab Shyam Prabhu Hai,
Teri Naiya Atke Kyoon,
Andhkar Ke Baad Hi ‘Romi’,
Sooraj Roz Nikalta Hai,
Man Mein Hain Vishwas Agar to,
Shyam Sahara Milta Hai ॥
Man Mein Hai Vishwas Agar Jo,
Shyam Sahara Milta Hai,
Rota Hai Koi Shyam Ka Premi,
Rota Hai Koi Shyam Ka Premi,
Shyam Singhasan Hilata Hai ॥