Ye to Prem Ki Baat Hai Udho,
Bandgi Tere Bas Ki Nahin Hai ।
Yahaan Sar Deke Hote Saude,
Aashki Itni Sasti Nahin Hai ॥
Prem Walon Ne Kab Waqt Puchha,
Unki Pooja Mein Sun Le E Udho ।
Yahaan Dam Dam Mein Hoti Hai Pooja,
Sar Jhukane Ki Phursat Nahin Hai ॥
॥ Ye to Prem Ki Baat Hai Udho… ॥
Jo Asal Mein Hain Masti Mein Dube,
Unhen Kya Parwah Zindagi Ki ।
Jo Utarati Hai Chadhti Hai Masti,
Vo Hakikat Mein Masti Nahin Hai ॥
॥ Ye to Prem Ki Baat Hai Udho… ॥
Jiski Najro Mein Hai Shyam Pyare,
Vo to Rahte Hain Jag Se Nyare ।
Jiski Nazron Mein Mohan Samaye,
Vo Nazar Phir Tarasati Nahin Hai ॥
॥ Ye to Prem Ki Baat Hai Udho… ॥
Ye to Prem Ki Baat Hai Udho,
Bandagi Tere Bas Ki Nahin Hai ।
Yahaan Sar Deke Hote Saude,
Aashki Itni Sasti Nahin Hai ॥