Hey Ram Bhakt Hanuman Tujhe,
Maine To Ab Pahachan Liya,
Tum Dustha Sanharak Ho Tera,
Bhakton Ne Sahara Maan Liya ॥
Sugriv Bali Se Darakar Jab,
Us Nirjan Giri Par Rota Tha,
Tab Tu Hi To Dheeraj Dekar Hi,
Usake Dukhado Ko Harata Tha,
Phir Ram Se Use Milaaya Aur,
Sugriv Ko Abhay Pradaan kiya,
Hey Ram Bhakt Hanuman Tujhe,
Maine To Ab Pahachan Liya ॥
Jab Ravan Ne Muni Vesh Bana,
Maata Sita Ko Har Dala,
Hanumat Ne Lank Jalaakar Ke,
Maata Ka Sanshay Har Dala,
Phir Chudamani Lae Maa Ki,
Prabhu Maan Ko Bhi Vishraam Diya,
Hey Ram Bhakt Hanuman Tujhe,
Maine To Ab Pahachan Liya ॥
Jab Shakti Lagi Lakshmanaji Ko,
Tab Tu Hi Butee Laya Tha,
Buti Rupi Oshadh Se Phir,
Lakshman Ka Praan Bachaaya Tha,
Tab Ram Ne Kaha Pavanasut Se,
Tune To Rni Hi Bana Dala,
Hey Ram Bhakt Hanuman Tujhe,
Maine To Ab Pahachan Liya ॥
Lanka Mein Tha Jab Yuddh Macha,
Ravan Ne Tujhe Lalakara Tha,
Tab Ram Naam Lekar Tune,
Ravan Ke Mukka Mara Tha,
Ravan Murchhit Ho Jaga Tab,
Bola Kapibal Ne Kamaal Kiya,
Hey Ram Bhakt Hanuman Tujhe,
Maine To Ab Pahachan Liya ॥
Hey Ram Bhakt Hanuman Tujhe,
Maine To Ab Pahachan Liya,
Tum Dustha Sanharak Ho Tera,
Bhakton Ne Sahara Maan Liya ॥