Jisne Marna Seekha Liya Hai,
Jeene Ka Adhikar Usi Ko ।
Jo Kanton Ke Path Par Aaya,
Phoolon Ka Uphar Usi Ko ॥
Jisne Geet Sajaye Apne
Talvaron Ke Jhan-jhan Swar Par
Jisne Viplav Raag Alape
Rimjhim Goli Ke Varshan Par
Jo Balidanon Ka Premi Hai,
Jagati Ka Pyar Usi Ko ॥
Hans-hans Kar Ik Masti Lekar
Jisne Sikha Hai Bali Hona
Apni Peeda Par Muskana
Auron Ke Kashton Par Rona
Jisne Sahna Seekh Liya Hai,
Sankat Hai Tyohar Usi Ko ॥
Durgmata Lakh Bihad Path Ki
Jo Na Kabhi Bhi Ruka Kahin Par
Anginati Aaghat Sahe Par
Jo Na Kabhi Bhi Jhuka Kaheen Par
Jhuka Raha Hai Mastak Apna Yah,
Sara Sansar Usi Ko ॥