Rahe Sang Tera Naam Prabhu,
Har Pal Mere Jeevan Mein,
Nahi Pal Koi Aisa Ho,
Jis Pal Tu Na Ho Man Mein
Rahen Sang Tera Naam Prabhu,
Har Pal Mere Jeevan Mein ॥
Nadan Hoon Main Nirgun,
Bas Gun Yahi Paya Hai,
Tere Naam Ke Moti Se,
Jag Apna Sajaya Hai,
Yun Hi Tere Naam Ratan,
Barse Mere Aangan Mein,
Rahen Sang Tera Naam Prabhu,
Har Pal Mere Jeevan Mein ॥
Jab Band Karoon Aankhe,
Man Mera Chahakta Hai,
Ehsaas Tera Bhagwan,
Saanso Mein Mahakta Hai,
Khushbu Ye Bani Rahe,
Mere Man Madhuban Mein,
Rahen Sang Tera Naam Prabhu,
Har Pal Mere Jeevan Mein ॥
Apno Ke Chhal Se Jab,
Antar Ye Jhulas Jata,
Tere Naam Ke Chintan Se,
Man Sheetal Ho Jata,
‘Ankush’ Ye Shitalta,
Rahe Ab Antarman Mein,
Rahen Sang Tera Naam Prabhu,
Har Pal Mere Jeevan Mein ॥
Rahe Sang Tera Naam Prabhu,
Har Pal Mere Jeevan Mein,
Nahi Pal Koi Aisa Ho,
Jis Pal Tu Na Ho Man Mein
Rahen Sang Tera Naam Prabhu,
Har Pal Mere Jeevan Mein ॥