Hari Nam Nahin to Jeena Kya
Amrt Hai Hari Nam Jagat Mein,
Ise Chhod Vishay Vish Peena Kya ॥
Kal Sada Apne Ras Dole,
Na Jane Kab Sar Chadh Bole ।
Har Ka Nam Japo Niswasar,
Agle Samay Par Samay Hi Na ॥
॥ Hari Nam Nahin… ॥
Bhushan Se Sab Ang Sajawe,
Rasna Par Hari Nam Na Lawe ।
Deh Padi Rah Jaave Yahi Par,
Phir Kundal Aur Nageena Kya ॥
॥ Hari Nam Nahin… ॥
Teerath Hai Hari Nam Tumhara,
Phir Kyun Phirata Mara Mara ।
Ant Samay Hari Nam Na Aave,
Phir Kashi Aur Madeena Kya ॥
॥ Hari Nam Nahin… ॥
Hari Nam Nahin to Jeena Kya
Amrt Hai Hari Nam Jagat Mein,
Ise Chhod Vishay Vish Peena Kya ॥