O Murakh Bande,
Kya Hai Re Jag Me Tera,
Ye to Sab Jhootha Sapna Hai,
Ye to Sab Jhootha Sapna Hai,
Kya Tera Kya Mera,
Murakh Bande,
Kya Hai Re Jag Me Tera ॥
Kitni Hi Maya Jod Le,
Kitne Hi Mahal Banale,
Tere Marne Ke Baad Sun,
Tere Ye Ghar Wale,
Do Gaj Kafan Udakar Tujhse,
Do Gaj Kafan Udakar Tujhse,
Chhin Lege Ye Sab Tera,
Murakh Bande, Kya Hai Re Jag Me Tera ॥
Koti Bangla Kaar Dekh Tu,
Kyu Itna Itrata Hai,
Patni or Bachcho Ke Bich Tu,
Fula Nahi Samata Hai,
Chaar Dino Ki Chandni Ye,
Chaar Dino Ki Chandni Ye,
Fir Aayega Andhera,
Murakh Bande, Kya Hai Re Jag Me Tera ॥
Murakh Apni Mukti Ka Tu,
Jaldi Kar Upaay,
Kis Din Kis Ghadi Teri Ye,
Baah Pakad Le Jaaye,
Tere Sath Me Ghum Raha Hai,
Tere Sath Me Ghum Raha Hai,
Bankar Kaal Lutera,
Murakh Bande, Kya Hai Re Jag Me Tera ॥
Paap Kamaya Tune Bahut Ab,
Thoda Punya Kamale,
Kuch to Samay Hai Ab Manav Tu,
Ram Naam Gun Gale,
Ram Naam Se Mit Jayega,
Ram Naam Se Mit Jayega,
Janam Maran Ka Fera,
Murakh Bande, Kya Hai Re Jag Me Tera ॥
O Murakh Bande,
Kya Hai Re Jag Me Tera,
Ye to Sab Jhootha Sapna Hai,
Ye to Sab Jhootha Sapna Hai,
Kya Tera Kya Mera,
Murakh Bande,
Kya Hai Re Jag Me Tera ॥