Suraj Ki Kiran Chune Ko Charan,
Aati Hai Gagan Se Rojana,
Chanda Bhi Sitaron Ko Moti,
Deta Hai Najar Se Najrana,
Suraj Ki Kiran Chune Ko Charan,
Aati Hai Gagan Se Rojana ॥
Ye Patit Pawani Ganga Jo,
Shankar Ki Jata Main Rahti Hai,
Wo Hi Jata Shankar Maiya Ko,
Komal Charnon Main Bahati Hai,
Phir Mauj Mein Aakar Maujo Ka,
Laharon Se Lipat Kar Laharana,
Suraj Ki Kiran Chune Ko Charan,
Aati Hai Gagan Se Rojana ॥
Kanchan Ka Badan Kanchan Ka Mukut,
Kanchan Ka Hai Chuda Baaho Mein,
Bijali Ki Chamak Hai Jhanjhar Mein,
Usha Ki Lali Hai Pavon Mein,
Din Raat Ka Chakkar Chakr Mein,
Phoolo Ka Khilana Musakana,
Suraj Ki Kiran Chune Ko Charan,
Aati Hai Gagan Se Rojana ॥
Mamata Ka Sarovar Hrday Mein,
Aur Maan Mein Pyaar Ki Gagar Hai,
Muththi Mein Hai Shakti Aur Mukti,
Naino Mein Daya Ka Sagar Hai,
Palake Hai Gulaab Ki Pankhudiya,
Vashatar Bhushan Hai Shahana,
Suraj Ki Kiran Chune Ko Charan,
Aati Hai Gagan Se Rojana ॥
Sone Aur Chaandi Ke Jarre,
Sundar Dharati Pe Damakate Hai,
Neelam Ke Neele Chamakile,
Patthar Parvat Pe Chamakate Hai,
Chale Josh Mein Aakar Mast Pavan,
Mausam Hai Suhaana Mastana,
Suraj Ki Kiran Chune Ko Charan,
Aati Hai Gagan Se Rojana ॥
Suraj Ki Kiran Chune Ko Charan,
Aati Hai Gagan Se Rojana,
Chanda Bhi Sitaron Ko Moti,
Deta Hai Najar Se Najrana,
Suraj Ki Kiran Chune Ko Charan,
Aati Hai Gagan Se Rojana ॥