Yahi Hai Prarthana Prabhuvar! Jeevan Ye Nirala Ho ।
Paropkari, Sadachari Va Lambi Aayu Vala Ho ॥
Saralta, Sheelta, Shuchita Hon Bhooshan Mere Jeevan Ke ।
Sachai, Saadgi, Shraddha Ko Man Saanche Mein Dhala Ho ॥
॥ Yahi Hai Prarthana Prabhuvar… ॥
Mera Vedokt Ho Jeevan, Banoon Main Dharm-anuragi ।
Rahoon Aagya Mein Vedon Ki, Na Hukmeved Taala Ho ॥
॥ Yahi Hai Prarthana Prabhuvar… ॥
Teri Bhakti Mein He Bhagwan, Laga Doon Apna Main Tan-man ।
Dikhave Ke Liye Hathon Mein Thaili Ho, Na Mala Ho ॥
॥ Yahi Hai Prarthana Prabhuvar… ॥
Tajoon Sab Khote Karmon Ko, Tajoon Durvasnaon Ko ।
Tere Vigyan Deepak Ka Mere Man Mein Ujala Ho ॥
॥ Yahi Hai Prarthana Prabhuvar… ॥
Pila De Moksh Ki Ghutti, Maran-jeevan Se Ho Chhutti ।
Vinay Antim Ye Sevak Ki Agar Manjoore Vala Ho ॥
Yahi Hai Prarthana Prabhuvar! Jeevan Ye Nirala Ho ।
Paropakari, Sadachari Va Lambi Aayuvalo Ho ॥