Maili Chadar Odh Ke Kaise,
Dwar Tumhare Aaoon,
Hai Pavan Parmeshwar Mere,
Man Hi Man Sharmaun ।
॥ Maili Chadar Odh Ke.. ॥
Tune Mujhko Jag Mein Bheja,
Nirmal Dekar Kaya,
Akar Ke Sansar Mein Mainne,
Isko Daag Lagaya ।
Janam Janam Ki Maili Chadar,
Kaise Daag Chhudaun,
॥ Maili Chadar Odh Ke.. ॥
Nirmal Vani Pakar Tujhse,
Naam Na Tera Gaya,
Nain Mundkar He Parameshvar,
Kabhi Na Tujhko Dhyaya ।
Mann-vina Ki Tare Tuti,
Ab Kya Rag Sunaun,
॥ Maili Chadar Odh Ke.. ॥
In Pairon Se Chalkar Tere,
Mandir Kabhi Na Aya,
Jahan Jahan Ho Puja Teri,
Kabhi Na Shish Jhukaya ।
He Harihar Mai Har Ke Aaya,
Ab Kya Har Chadhaun,
॥ Maili Chadar Odh Ke.. ॥
Tu Hai Aparampar Dayalu,
Sara Jagat Sambhale,
Jaisa Bhi Hun Main Hun Tera,
Apani Sharan Lagale ।
Chhod Ke Tera Dwara Data,
Aur Kahin Nahin Jaun
Maili Chadar Odh Ke Kaise,
Dwar Tumhare Aun,
Hai Pavan Parmeshwar Mere,
Man Hi Man Sharmaun ।