Ajab Hairan Hoon Bhagwan! Tumhen Kaise Rijhaon Main ।
Koi Vastu Nahin Aisee. Jise Seva Mein Laoon Main ॥
Karen Kis Taur Aawahan Ki Tum Maujood Ho Har Jaan ।
Niradar Hai Bulane Ko. Agar Ghanti Bajaoon Main ॥
Tumhin Ho Moorti Mein Bhi. Tumhin Vyapak Ho Phoolon Mein ।
Bhala Bhagwan Par Bhagwan Ko Kaise Chadhaoon Main ॥
Lagana Bhog Kuch Tumko. Yah Ek Apman Karana Hai ।
Khilata Hai Jo Sab Jag Ko. Use Kaise Khilaoon Main ॥
Tumhari Jyoti Se Roshan Hain. Sooraj. Chand Aur Tare ।
Maha Andher Hai Kaise Tumhen Deepak Dikhaoon Main ॥
Bhujaen Hain. Na Gardan Hai. Na Seena Hai Na Peshani ।
Tum Ho Nirlep Narayan. Kahan Chandan Lagaoon Main ॥
Bade Nadan Hai Ve Jan Jo Gadhte Aapki Moorat ।
Banata Hai Jo Sab Jag Ko. Use Kaise Banaoon Main ॥
Ajab Hairan Hoon Bhagwan! Tumhen Kaise Rijhaon Main ।
Koi Vastu Nahin Aisi. Jise Seva Mein Laoon Main ॥
Ajab Hairan Hoon Bhagwan! Tumhen Kaise Rijhaon Main ।
Koi Vastu Nahin Aisi. Jise Seva Mein Laoon Main ॥