Koi Aisi Khol Nahin (कोई ऐसी खोल नहीं है: भजन)

Koi Aisi Khol Nahin Hai,
Jismen Tu Chhup Paayega ॥Doha – Sheesh Dhako to Paanv Khule Re,
Paanv Dhako to Sheesh,
Ajab Chadariya Trishna Ki Hai,
Jisme Jeevan Jaye Beet ॥

Koi Aisi Khol Nahin Hai,
Jismen Tu Chhup Paayega,
Prabhu Ke Naam Ki Odh Chadariya,
Tan Mann Sab Dak Jayega ॥

Bade Gun Wali Prabhu Naam Ki Chadariya,
Jismen Prabhu Se Mangi Mili Chadariya,
Tulsidas Ne Bhakti Karke,
Ram Chadariya Odh Li,
Ramcharit Gaakar Ke Ram May,
Ban Gayi Jag Mein Tulsi,
Bina Vastra Tu Aaya Jagat Mein,
Bina Vastra Hi Jayega,
Prabhu Ke Naam Ki Odh Chadariya,
Tan Mann Sab Dak Jayega,
Koin Aisi Khol Nahi Hai,
Jismen Tu Chhup Payega ॥

Meera Ne Odhi Krishn Naam Ki Chadariya,
Nandlala Ki Mann Mein Baaji Basuriya,
Vish Ka Pyala Rana Bheja,
Pi Gayi Meera Hanskar,
Saara Vish Amrit Sa Ho Gaya,
Krishn Chadariya Chhukar,
Ajar Amar Prabhu Naam Chadariya,
Odh Amar Pad Payega,
Prabhu Ke Naam Ki Odh Chadariya,
Prabhu Ke Naam Ki Odh Chadariya,
Tan Mann Sab Dak Jayega,
Koin Aisi Khol Nahi Hai,
Jismen Tu Chhup Payega ॥

Sur Ne Odhi Hari Naam Ki Chadariya,
Darshan Paye Prabhu Sur Bin Akhiyan,
Shyam Sundar Ke Baal Roop Mein,
Rami Bhavna Unki,
Bhakti Mein Shakti Phir Jagi,
Khul Gayi Akhiyan Mann Ki,
Prabhu Ke Naam Ki Jyot Jaga Tu,
Hari Ka Darshan Payega,
Prabhu Ke Naam Ki Odh Chadariya,
Tan Mann Sab Dak Jayega,
Koin Aisi Khol Nahi Hai,
Jismen Tu Chhup Paayega ॥

Koin Aisi Khol Nahin Hai,
Jismen Tu Chhup Payega,
Prabhu Ke Naam Ki Odh Chadariya,
Tan Mann Sab Dak Jayega ॥