जय शङ्खगदाधर नीलकलेवर
पीतपटाम्बर देहि पदम् ।
जय चन्दनचर्चित कुण्डलमण्डित
कौस्तुभशोभित देहि पदम् ॥१॥
जय पङ्कजलोचन मारविमोहन
पापविखण्डन देहि पदम् ।
जय वेणुनिनादक रासविहारक
वङ्किम सुन्दर देहि पदम् ॥२॥
जय धीरधुरन्धर अद्भुतसुन्दर
दैवतसेवित देहि पदम् ।
जय विश्वविमोहन मानसमोहन
संस्थितिकारण देहि पदम् ॥३॥
जय भक्तजनाश्रय नित्यसुखालय
अन्तिमबान्धव देहि पदम् ।
जय दुर्जनशासन केलिपरायण
कालियमर्दन देहि पदम् ॥४॥
जय नित्यनिरामय दीनदयामय
चिन्मय माधव देहि पदम् ।
जय पामरपावन धर्मपरायण
दानवसूदन देहि पदम् ॥५॥
जय वेदविदांवर गोपवधूप्रिय
वृन्दावनधन देहि पदम् ।
जय सत्यसनातन दुर्गतिभञ्जन
सज्जनरञ्जन देहि पदम् ॥६॥
जय सेवकवत्सल करुणासागर
वाञ्छितपूरक देहि पदम् ।
जय पूतधरातल देवपरात्पर
सत्त्वगुणाकर देहि पदम् ॥७॥
जय गोकुलभूषण कंसनिषूदन
सात्वतजीवन देहि पदम् ।
जय योगपरायण संसृतिवारण
ब्रह्मनिरञ्जन देहि पदम् ॥८॥
॥ इति श्रीमदनमोहनाष्टकं सम्पूर्णम् ॥
Mantra Shri Krishna MantraBrij MantraBaal Krishna MantraBhagwat MantraJanmashtami MantraLaddu Gopal MantraRadhashtami MantraMusic Class MantraMusic Learning MantraHoli MantraPhulera Dooj Mantra
** आप अपना हर तरह का फीडबैक हमें जरूर साझा करें, तब चाहे वह सकारात्मक हो या नकारात्मक: यहाँ साझा करें।
पागल बाबा मंदिर, लखनपुरा @Shikohabad, Uttar Pradesh
सूर्य मंदिर, जयपुर @Jaipur, Rajasthan
मोढेरा सूर्य मंदिर @Modhera, Gujarat
