थारी चाकरी करूंगो दिन रात, बणाल्यो म्हाने चाकरियो - भजन (Thari Chakari Karungo Din Raat Banalyo Mhane Chakariyo)

थारी चाकरी करूंगो दिन रात,
बणाल्यो म्हाने चाकरियो,
थारी सेवा करूंगो दिन रात,
बणाल्यो म्हाने चाकरियो,
चाकरियो ए दादी सेवकियो,
थारां गुण गाऊं दिन रात,
बणाल्यो म्हाने चाकरियो ॥यो तन भी थारो,
यो मन भी थारो,
यो सारो जीवन थारो,
ए दादी म्हारो सारो जीवन थारो,
म्हारे जीवन की एक तमन्ना,
करुं मैं सुमिरण थारो,
ए दादी सदा करुं मैं सुमिरण थारो,
कुछ तो दादी मुख से बोलो,
रखल्यो म्हारी बात,
बणाल्यो म्हाने चाकरियो ॥

कोई हुकम सुणाओ,
दादी कुछ तो फरमाओ,
म्हारे काळजे ने धीर बंधाओ,
ए दादी म्हारे काळजे ने धीर बंधाओ,
हाजिर खड्यो थारे चरणा पड्यो,
कोई काम तो आज ओढावो,
ए दादी कोई काम तो आज ओढावो,
कहणो थारो मानस्युं ए दादी,
सिर पर रखद्यो हाथ,
बणाल्यो म्हाने चाकरियो ॥

लाल चुनड़ी मंगाऊं,
लाल मेहंदी रचाऊं,
लाल चूड़ो थाने पहराऊं,
ए दादी लाल चूड़ो थाने पहराऊं,
लाल टीको लगाऊं,
लाल गजरो सजाऊं,
थाने देख देख हर्षाऊं,
ए दादी थाने देख देख हर्षाऊं,
नैण स्युं नैण मिलाओ दादी,
देखो तो घड़ी स्यात,
बणाल्यो म्हाने चाकरियो ॥

ऐसी भक्ति दिज्यो,
ऐसी शक्ति दिज्यो,
थारी घर घर ज्योत जगाऊं,
ए दादी थारी घर घर ज्योत जगाऊं,
आवे जद भी मेळो,
करुं सबने भेळो,
थाने मीठा मीठा भजन सुणाऊं,
ए दादी थाने मीठा मीठा भजन सुणाऊं,
हर एक दिल बस यो ही चाहवै,
‘प्रेम’ स्युं करां मुलाकात,
बणाल्यो म्हाने चाकरियो ॥

थारी चाकरी करूंगो दिन रात,
बणाल्यो म्हाने चाकरियो,
थारी सेवा करूंगो दिन रात,
बणाल्यो म्हाने चाकरियो,
चाकरियो ए दादी सेवकियो,
थारां गुण गाऊं दिन रात,
बणाल्यो म्हाने चाकरियो ॥

दुर्गा चालीसा | आरती: जय अम्बे गौरी, मैया जय श्यामा गौरी | आरती: अम्बे तू है जगदम्बे काली | महिषासुरमर्दिनि स्तोत्रम् | माता के भजन